15 май Президенти Ҷумҳурии Тоҷикистон Эмомалӣ Раҳмон раиси Раёсати Ҷамъияти саҳҳомии кушодаи "Газпром" Алексей Миллерро ба ҳузур пазируфт.
Зимни мулоқот ҷонибҳо имзои Созишномаи байни Ҳукумати Ҷумҳурии Тоҷикистон ва ҶСК "Газпром"-ро дар бораи ҳамкории стратегӣ дар соҳаи газ чун саҳифаи нав дар ҳамкориҳои Тоҷикистону Россия арзёбӣ намуданд.
Мусоҳибон манфиатдории худро дар татбиқи ҳамкории дарозмӯҳлати мутақобилан судманд дар соҳаҳои истифодаи конҳои газ дар Тоҷикистон таъкид карданд.