5 май дар Тошканд мулоқоти Президенти Ҷумҳурии Тоҷикистон Эмомалӣ Раҳмон бо Президенти Бонки Аврупоии таҷдид ва рушд Жан Лемиер доир гардид.
Мусоҳибон ба масъалаҳои таҳияи стратегияи нави БАТР оид ба Тоҷикистон диққати махсус доданд.
Ҷонибҳо ҳамчунин атрофи рафти ислоҳоти иқтисодӣ дар Тоҷикистон, дурнамои фароҳам овардани шароити мусоид барои инкишофи ҳамкории минтақавӣ дар Осиёи Марказӣ ва вазъи амнияти иқтисодии минтақавӣ мубодилаи афкор карданд.
Зимни мулоқот зарурати истифодаи самараноктари маблағҳои қарзҳо ва грантҳо таъкид карда шуд.