10 апрел Президенти Ҷумҳурии Тоҷикистон Эмомалӣ Раҳмон дар маҷлиси тантанавӣ бахшида ба 10-солагии таъсиси қӯшунҳои дохилии Вазорати корҳои дохилии Ҷумҳурии Тоҷикистон иштирок намуда, хизматчиёни ҳарбиро табрик намуд.
Президенти кишвар хизматчиёни қушунҳои дохиларо бо иди касбиашон табрик намуда, зикр кард, ки онҳо на танҳо яке аз ҷузъу томҳои муҳимтарини системаи Вазорати дохила, балки Қувваҳои Мусаллаҳи мамлакат мебошанд.
Эмомалӣ Раҳмон хизматҳои арзандаи қушунҳои дохилиро дар ҳифзи иншооту корхонаҳо, муассисаҳои махсусан муҳими мамлакат, иштироки онҳоро дар мубориза ба муқобили гурӯҳҳои мусаллаҳи ғайриқонунӣ қайд карда, сипас роҷеъ ба масъалаҳои беҳтар сохтани интизоми ҳарбӣ дар ҷузъу томҳои қушунҳои дохила ва бо техникаю муҳимоти ҷангӣ таъмин намудани онҳо сухан кард.
Дар хотима бо иштироки устодони санъат консерти идона баргузор гашт.