21 феврал Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Федератсияи Россия дар Тоҷикистон Максим Пешковро ба ҳузур пазируфт.
Зимни мулоқот ҷонибҳо оид ба масъалаҳои дуҷониба мубодилаи афкор карданд. Дар ҷараёни муҳокима ба ҳолати иҷрои Созишномаҳои мавҷуда, ҷанбаҳои иқтисодию сиёсии муносибатҳои байнидавлатӣ ва мавзӯоти муҳоҷирати меҳнатӣ диққати ҷиддӣ дода шуд. Мусоҳибон зарурати таҳия ва имзои як қатор санадҳои дуҷонибаро таъкид карданд.