17 феврал Президенти Ҷумҳурии Тоҷикистон Эмомалӣ Раҳмон аз Сафири Фавқулодда ва Мухтори Ҷумҳурии Мисри Араб дар Тоҷикистон Рауф Адли Саъд ал-Харрот эътимоднома қабул намуд.
Дар ҷараёни мулоқоти Сарвари давлат бо дипломати мисрӣ ҷонибҳо дурнамои муносибатҳои дуҷонибаро муҳокима карда, зикр намуданд, ки саноати сабук яке аз самтҳои афзалиятноки ҳамкории иқтисодӣ мебошад.
Ҳамчунин, оид ба масъалаҳои байналмилалӣ, хусусан проблемаҳои Афғонистон ва Ироқ мубодилаи афкор сурат гирифт.