18 январ Президенти Ҷумҳурии Тоҷикистон Эмомалӣ Раҳмон Фармонро "Дар бораи таъсиси Кумитаи давлатии сохтмон ва меъмории Ҷумҳурии Тоҷикистон" имзо намуд.
Кумитаи мазкур бо мақсади амалӣ намудани сиёсати ягонаи давлатӣ дар комплекси сохтмонӣ таъсис дода шуда, ба зиммаи он таҳия ва татбиқи сиёсати ягонаи давлатӣ дар соҳаи сохтмон ва меъморӣ вогузошта шуд.
Инчунин дар фармон дарҷ гардидааст, ки Ҳукумати Ҷумҳурии Тоҷикистон дар мӯҳлати ду моҳ Низомномаи Кумитаи давлатӣ ва меъмории Ҷумҳурии Тоҷикистон, сохтор ва шумораи кормандони дастгоҳи марказӣ, нақшаи идораи онро тасдиқ ва тартиби маблағгузории онро муайян намояд ва ҷиҳати иҷрои фармон тадбирҳо андешида, қарорҳои худро мутобиқ гардонад.