Президенти Ҷумҳурии Тоҷикистон

Барқияи табрикӣ ба Президенти Ҷумҳурии Ҳиндустон доктор Авул Пакир Ҷайнулабдин Абул Калом

15.08.2004 09:30, шаҳри Душанбе

15 август Президенти Тоҷикистон Эмомалӣ Раҳмон ба унвони доктор Авул Пакир Ҷайнулабдин Абул Калом Президенти Ҷумҳурии Ҳиндустон бинобар ҷашни истиқлолияти кишвараш барқияи шодбошӣ фиристод, ки дар он аз ҷумла омадааст: - Барои ман мояи сарфарозист, то Ҷаноби Олӣ ва мардуми Ҷумҳурии Ҳиндустонро ба муносибати фаро расидани солгарди ҷашни Истиқлол самимона табрик ва таҳният гӯям.

Тоҷикистон ба сатҳи имрӯзаи муносибатҳои анъанавии дӯстонаи ҳар ду кишвар баҳои баланд дода, ҷонибдори таҳкиму густариши ҳар чӣ бештари онҳо мебошад.

Итминони комил дорам, ки Тоҷикистону Ҳиндустон метавонанд дар соҳаҳои мухталифи иқтисодиёту фарҳанг ва заминаҳои зиёди дигар ба ҳамкориҳои худ рушду нумӯъи тоза бахшанд ва мо барои ноил шудан ба ин ҳадаф аз ҳамаи имконот истифода хоҳем бурд.

Ба Ҷаноби Олӣ хушбахтиву сиҳатмандӣ ва ба мардуми кишвари дӯст комёбиҳо орзу дорам.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520