27 июл. Аз ҷониби Институти Шарқ ва Африқои Итолиё китоби олими шинохта-академики Академияи илмҳои Ҷумҳурии Тоҷикистон Борис Литвинский ва корманди илмии Эрмитажи давлатии Россия Тамара Зеймал таҳти унвони «Буддо, Аҷинатеппа, Тоҷикистон — таърих ва санъати буддизм дар Осиёи Марказӣ» ба табъ расид, ки дар он сарсухани Президенти Ҷумҳурии Тоҷикистон Эмомалӣ Раҳмон ҷой дода шудааст.
Сарвари давлати Тоҷикистон дар сарсухани худ тариқи муфассал дар бораи зардуштизм ва буддизм ва дигар мазҳабҳои Бохтар таваққуф намуда, ба ноширон ҷиҳати таваҷҷӯҳ ба таърихи Осиёи Марказӣ сипосгузорӣ кардааст.