Президенти Ҷумҳурии Тоҷикистон

Иштирок дар маросими савгандёдкунии наваскарони Гвардияи миллии Тоҷикистон

17.07.2004 11:00, шаҳри Душанбе

17 июл Президенти Ҷумҳурии Тоҷикистон Эмомалӣ Раҳмон дар маросими савгандёдкунии наваскарони Гвардияи миллии Тоҷикистон иштирок ва суханронӣ намуд.

Ба зиммаи ҳар як хизматчии ҳарбӣ,-таъкид намуд Сарвари давлат, - вогузор намудани вазифа ва масъулияти баланди хизмат ба Ватан маҳз аз рӯзи савгандёдкунӣ оғоз меёбад. Дар баробари савгандёдкунӣ хизматчии ҳарбӣ ба унвони аскар мушарраф гардида, барои ҳифзи Ватани худ ӯҳдадор мегардад.

Саҳми Гвардияи миллӣ дар ҳифзи Ватан, давлат ва сулҳу суботи кишвар дар солҳои истиқлолият борҳо зикр гардидааст. Ба подоши ҷасорату корнамоиҳои ҳарбии ҳайати шахсӣ зиёда аз 200 нафар хизматчиёни низомии Гвардия бо мукофоти давлатӣ қадр карда шудаанд. Солҳои охир 90 нафар афсарони Гвардияи миллӣ макотиби олии ҳарбӣ ва 12 нафар академияи олии ҳарбиро бомуваффақият хатм намуданд.

Вобаста ба таъминоти Гвардия бо воситаҳои нақлиёту алоқа, таъмину дастрас кардани муҳимоти ҷангӣ, таҷҳизонидани майдончаву синфхонаҳои таълимӣ ва шароити зиндагиву машғулиятҳо пешравию беҳбудиҳо эҳсос мегарданд,-таъкид кард Сарвари давлат ва илова намуд, ки дар хусуси бо манзили истиқоматӣ таъмин намудани хизматчиёни ҳарбӣ низ чораҳо андешида шуд. Бинои нӯҳошёнаи воқеъ дар кӯчаи Ҷомӣ баъди таъмиру сохтмон ба ихтиёри хизматчиёни ҳарбии Гвардия дода мешавад.

Баъди анҷоми маросими савгандёдкунӣ, наваскарон аз назди минбар бошарафона қадам зада, садоқату матонати хешро ба халқу Ватан арзёбӣ намуданд. Сипас аз майдон қатори техникаҳои муқтадири низомӣ гузашта, афсарону сарбозон омодагии доимии худро дар ҳифзи истиқлоли миллӣ ва амнияту оромии кишвар ифода карданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520