13 июл Президенти Ҷумҳурии Тоҷикистон Эмомалӣ Раҳмон ба муносибати Иди миллии мардуми Фаронса-Рӯзи гирифтани қалъаи Бастилия ба унвони Президенти ин мамлакат Жак Ширак барқияи шодбош фиристод, ки дар он гуфта мешавад:
«Ҷаноби мӯҳтарам Президент,
Лутфан табрикоти самимона ва орзуҳои неки маро ба муносибати Иди миллии мардуми кишваратон бипазиред.
Тоҷикистон ба вазъияти имрӯза ва равнақу ривоҷи муносибатҳо ва ҳамкории ҳар ду кишвар баҳои баланд медиҳад. Мо эътимоди комил дорем, ки ҳамкории муфид ва самарабахши мамлакатҳоямон асоси воқеӣ доранд ва самараи ҷидду ҷаҳди мо ба сӯи демократия буда, дар оянда беш аз пеш ривоҷ хоҳанд ёфт.
Ба Шумо, ҷаноби Президент саломатии комил, рӯзгори фараҳмандона ва ба халқи бо мо дӯсти Фаронса сулҳу осоиш ва рӯзгори обод таманно менамоям».