Президенти Ҷумҳурии Тоҷикистон

Барқияи тасаллият ба Президенти Иёлоти Муттаҳидаи Амрико Ҷорҷ Буш

07.06.2004 15:00, шаҳри Душанбе

7 июн Президенти Ҷумҳурии Тоҷикистон Эмомалӣ Раҳмон ба унвони Президенти Иёлоти Муттаҳидаи Амрико Ҷорҷ Буш барқия фиристода, ба ӯ нисбат ба вафоти собиқ Президенти ИМА Роналд Рейган изҳори ҳамдардӣ намуд. Дар барқия аз ҷумла гуфта мешавад: «Ҷаноби аълоҳазрат, аз хабари вафоти Президенти собиқ Иёлоти Муттаҳидаи Амрико Роналд Рейган сахт андӯҳгин гардидам.

Президент Рейган яке аз симоҳои намоёни ҳаёти сиёсии сайёра дар охири асри XX буд. Фаъолияти хастагинопазири ӯ, ки ба беҳтар сохтани фазои боварии мутақобила ва бартараф сохтани бегонагии мамлакатҳо равона шуда буд, оғози дигаргуниҳое гардид, ки имрӯз симои ҷаҳони муосирро муайян менамояд.

Ҷаноби Президент, аз Шумо хоҳишмандам дар ин лаҳзаҳои пур аз ғаму андӯҳ ҳамдардии маро ба халқи Амрико, аҳли оила ва хешту таборони марҳум бирасонед».

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520