27 март Президенти Ҷумҳурии Тоҷикистон Эмомалӣ Раҳмон намояндаи минтақавии раёсати СММ доир ба маводи мухаддир ва огоҳкунии ҷинояткорӣ дар Осиёи Марказӣ ҷаноби Қаллахонро ба ҳузур пазируфт.

Барои Тоҷикистон ва умуман ҷомеаи башарӣ таъкид намуд,- Президенти Тоҷикистон Эмомалӣ Раҳмон, хатари нашъамандӣ ба амнияти миллӣ таҳдид менамояд, аз ин рӯ ҷиҳати мубориза бар зидди паҳншавии маводи мухаддир диққати махсус медиҳем. Вай афзуд, ки Ҷумҳурии Тоҷикистон ба сатҳи ҳамкориҳо бо раёсати СММ доир ба маводи мухаддир ва огоҳкунии ҷинояткорӣ баҳои баланд медиҳад.

Аз маҷмӯъи умумии маводи нашъадори дастгиршуда дар Осиёи Марказӣ 90 дарсадаш ва дар доираи ИДМ 60 дарсади он ба Ҷумҳурии Тоҷикистон мансуб аст.Таъкид гардид, ки дар соли охир 32 тонна маводи мухаддир мусодира шудааст, ки аз нисф бештари онро маводи героин ташкил менамояд ва метавонист қариб 19 миллион шаҳрвандони оламро побанди нашъамандӣ гардонида, барои доираҳои ҷиноятпеша миллионҳо доллари амрикоиро фароҳам биёрад.

Зимнан, ҷонибҳо дар мавриди он ки алҳол барои қаноатмандӣ асосе вуҷуд надорад, ҳамфикрӣ изҳор намуданд. Соли гузашта дар Афғонистон аз чор се ҳиссаи ҳаҷми ҷаҳонии маводи мухаддир истеҳсол шуда, дар қаламрави ин кишвар майдони кишти маводи марговар меафзояд. Барои ҳамин алҳол андешидани тадбирҳои муштараки мубориза ва таъмини хати боэътимоди муҳофизат дар роҳи паҳншавии маводи мухаддир дар кишварҳои ИДМ зарур аст.