Президенти Ҷумҳурии Тоҷикистон

Мулоқот бо роҳбари ҳайати Хазинаи байналмилалии асъор оид ба Ҷумҳурии Тоҷикистон Роберт Кристиансен

03.02.2004 14:00, шаҳри Душанбе

3 феврал Президенти ҷумҳурӣ Эмомалӣ Раҳмон роҳбари ҳайати Хазинаи байналмилалии асъор оид ба Ҷумҳурии Тоҷикистон Роберт Кристиансенро ба ҳузур пазируфт.

Дар оғози мулоқот сарвари давлат ташрифи ҳайатро идомаи самаранок ва рушди ҳамкориҳои Ҳукумати Тоҷикистон бо Хазинаи байналмилалии асъор ҷиҳати дастгирии ислоҳоти иқтисодӣ ва дигаргунсозиҳои иқтисодӣ, ки ба тавассути рушди он паст кардани сатҳи камбизоатӣ дар мамалакат дар назар дошта шудааст, арзёбӣ намуд.

Дар мулоқот зикр шуд, ки 16-уми январи соли ҷорӣ Ҷаласаи Шӯрои иҷроияи директорони Хазинаи байналмилалии асъор ҷараёни татбиқи соли аввали барномаи маблағгузориро дар бобати болоравии рушди иқтисодӣ бо мақсади паст кардани сатҳи камбизоатӣ ва ҳамдастӣ дар Ҷумҳурии Тоҷикистон баррасӣ намуда, ба раванди ислоҳоти иқтисодӣ дар мамлакат баҳои мусбат дода шуд.

Ин падидаро Президенти Тоҷикистон Эмомалӣ Раҳмон ҳамчун ифодаи ҳамкории муваффақонаи ҳукумати ҷумҳурӣ бо Хазинаи байналмилалии асъор маънидод намуд.

Дар натиҷаи ҳамкориҳои судманд дар Ҷумҳурии Тоҷикистон рушди мунтазами макроиқтисодӣ дар кишвар таъмин гардид, ки афзоиши нишондиҳандаҳои иқтисодӣ дар ҳамаи соҳаҳои иқтисодиёт дар соли 2003 шоҳиди онанд, аз ҷумла маҷмӯи маҳсулоти дохилӣ нисбат ба соли гузашта 10,2 фоиз афзуд, маҷмӯи маҳсулоти саноат ба 10,2%, кишоварзӣ 9,6%, фаъолияти иқтисоди беруна 15,2% ва хизматрсонию корҳо 14,7% зиёд гашт. Ин раванд имкониятҳои буҷетро барои дастгирии ояндаи бахши иҷтимоӣ афзун менамояд.

Тарафҳо барномаи ислоҳоти иқтисодӣ ва таҳияи нави стратегияро барои ду соли оянда, ҷиҳати нигоҳдошти мунтазамии макроиқтисодӣ ва рушди иқтисодӣ, ки ба тавассути он паст кардани сатҳи камбизоатӣ дар назар дошта шудааст, муҳокима намуданд.

Президенти Тоҷикистон Эмомалӣ Раҳмон диққати меҳмононро ба мавзӯи ислоҳоти замин дар ҷумҳурӣ бо назардошти принципи тақсими замин ба ҳар як оилаи деҳот ҷалб намуда, афзуд, ки дар ҷаласаи васеи ҳукумати ҷумҳурӣ ба вазорату идораҳои дахлдор, ҳукумати вилоят ва шаҳру ноҳияҳо дастур дода шудааст, ки дар муддати 6 моҳ доир ба раванди тақсими дурусти замин ба аҳолӣ ба Ҳукумат ахбор пешниҳод намоянд.

Дар ҷараёни сӯҳбат ҳамчунин доир ба дурнамои ҳамкориҳо дар бахши сиёсати андозу буҷет, такмили як қатор асосҳои ҳуқуқии вобаста ба кодекси андозу гумрук ва сиёсати қарзию пулӣ мубодилаи афкор карда шуд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520