16 январ Президенти Ҷумҳурии Тоҷикистон Эмомалӣ Раҳмон ба унвони Президенти Гурҷистон Михаил Саакашвили номаи табрикотӣ ирсол намуд, ки дар он аз ҷумла гуфта мешавад:

- Табрикоти маро ба ифтихори ба мансаби олии Президенти Гурҷистон интихоб шуданатон қабул фармоед.

Аминам, ки ривоҷу густариши минбаъдаи муносибатҳои Тоҷикистону Гурҷистон дар ҳамаи самтҳо ба манфиати кулли мамлакату халқҳоямон мувофиқ аст.

Ба Шумо, ҷаноби Президент, дар фаъолияти душвор, вале наҷибатон муваффақиятҳои калон ва ба халқи ба мо дӯсти гурҷӣ хушбахтию беҳбудиро таманно дорам.