Президенти Ҷумҳурии Тоҷикистон

Барқияи табрикӣ ба Президенти Ҷумҳурии Қазоқистон Нурсултон Назарбоев

05.12.2005 08:00, шаҳри Душанбе

5 декабр Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қазоқистон Нурсултон Назарбоев барқияи шодбош фиристод, ки дар он омадааст:

 "Ба муносибати такроран ба мансаби олии Президенти Ҷумҳурии Қазоқистон интихоб гардиданатон табрику таҳнияти самимонаи маро қабул фармоед.

Ғалабаи Шумо дар интихобот далели дурустии сиёсатест, ки бо роҳбарии Шумо ба хотири шукуфоии Қазоқистони дӯст ва истифодаи қудрати бузурги мамлакат барои рушди ҳамаи соҳаҳои ҳаёти ҷомеа нигаронида шуда, онро мардуми Қазоқистон маъқул ёфтааст.

Дар Тоҷикистон Шуморо ҳамчун тарафдори боэътимоди таҳкими равандҳои ҳамгироӣ дар фазои собиқ Шӯравӣ ва рушди босуръати муносибатҳои ҳамкории миёни ду мамлакат, ки онҳоро риштаҳои зичи таърихии дӯстӣ пайвастаанд, мешиносанд. Аминам, ки ҳамкории ҳамаҷонибаи Тоҷикистону Қазоқистон, ки ба нафъи кулли халқҳои бародари мост, минбаъд ҳам ривоҷ меёбад.

Мехоҳам ба Шумо Нурсултон Абишевич, саломатии бардавом, умри дароз ва дар фаъолияти бисёрҷонибаатон муваффақиятҳои нав орзу кунам".

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520