18 ноябр Президенти Ҷумҳурии Тоҷикистон Эмомалӣ Раҳмон бо соҳибкори тунисӣ, раиси ширкати "Ҷекот СА" Воҳид Ҷемай, ки аллакай муддати 11 сол боз дар Тоҷикистон кор мекунад, оид ба фаъолияти имрӯза ва нақшаҳои минбаъдаи он дар ҷумҳурии мо мубодилаи афкор намуд.
Чунонки аз сӯҳбат бо ин соҳибкор маълум шуд, Воҳид Ҷемай аллакай як корхонаи пахтатозакунӣ дар ноҳияи Восеъи вилояти Хатлон сохтааст ва тасмим гирифтааст, ки боз як корхонаи бузурги маҳсулоти металлургӣ дар Тоҷикистон бунёд намояд.
Нақшаҳои фаъолияти ин ширкат дар Тоҷикистон аз ҷониби Сарвари давлат Эмомалӣ Раҳмон хуб пазируфта шуд.