14 ноябр Президенти Ҷумҳурии Тоҷикистон Эмомалӣ Раҳмон Раиси ширкати холдингии "Қайнак"-и Ҷумҳурии Туркия Мустафо Осжанро ба ҳузур пазируфт.
Дар мулоқот масоили вобаста ба сохтмони маркази тиҷоратӣ дар шаҳри Душанбе, ки аз ҷониби ин ширкат анҷом дода мешавад ва нақшаҳои минбаъдаи ҳамкории он бо Тоҷикистон мавриди баррасӣ қарор гирифтанд.
Зимни сӯҳбати пурмӯҳтавою созанда ҷонибҳо ҳамчунин оид ба сохтмони як меҳмонхонаи панҷситорадор бо 400 ҷойи хоб ва як меҳмонхонаи хурди дигар барои 150 нафар дар шаҳри Душанбе ба мувофиқа расиданд.
Зикр карда шуд, ки татбиқи амалии ин нақшаҳо дар роҳи муҳайё намудани инфраструктураи туризм дар Ҷумҳурии Тоҷикистон иқдоми нек ба шумор меравад.