14 октябр Президенти Ҷумҳурии Тоҷикистон Эмомалӣ Раҳмон бо иштироки вазири корҳои хориҷии Ҷумҳурии Тоҷикистон Талбак Назаров, котиби Шӯрои амният Амирқул Азимов, Прокурори генералии Ҷумҳурии Тоҷикистон Бобоҷон Бобохонов ва роҳбарони сохторҳои қудратии мамлакат машварат анҷом дод, ки дар он масъалаи ҷараёни татбиқи амалии Қарори Ҳукумати Ҷумҳурии Тоҷикистон оид ба додани шиносномаҳои хориҷӣ дар дохил ва хориҷи кишвар ба шаҳрвандони Ҷумҳурии Тоҷикистон баррасӣ шуд.
Дар машварат ҳамзамон ба ҷараёни омодагии сохторҳои марбута ба фасли зимистони дар пеш истода, таъмини қисмҳои ҳарбӣ ва муассисаҳои таълимии тобеи соҳа бо маводи сӯхт, инчунин таҳкими мубориза алайҳи нашъамандию нашъаҷаллобӣ диққати махсус дода шуд.
Президенти Ҷумҳурии Тоҷикистон Эмомалӣ Раҳмон ҷиҳати назорати қатъии ҳалли ҳарчи зудтари масъалаҳои баррасишуда ба масъулин дастуру супоришҳои мушаххас дод.