13 октябр Президенти Ҷумҳурии Тоҷикистон Эмомалӣ Раҳмон ҳамдардии амиқи худ ва мардуми кишварамонро ба роҳбари кишвари Покистон, пайвандону наздикони қурбониёну зарардидагон ва тамоми мардуми дӯсти ин мамлакат изҳор дошт.

Бо пайравӣ аз суннатҳои миллӣ ва ғояҳои инсондӯстӣ Сарвари давлат ҳамзамон дастур дод, ки ба кишвари Покистон ёрии таъҷилии башардӯстона дар ҳаҷми умумии 25 тонна иборат аз маводи зарурӣ аз қабили хӯрокворӣ, либос, дору, кампал ва ашёи дигар расонида шавад.

Ин кӯмак рӯзҳои наздиктарин ба кишвари Покистон интиқол хоҳад ёфт.