Президенти Ҷумҳурии Тоҷикистон

Мулоқот бо вазири саноати Фаронса Франсуа Лоос

11.10.2005 14:00, Франсия

11 октябр Президенти Ҷумҳурии Тоҷикистон Эмомалӣ Раҳмон дар Париж бо вазири саноати Фаронса Франсуа Лоос вохӯрӣ намуд.

"Ҷумҳурии Тоҷикистон дар ҳамдастию ҳамкорӣ бо созмону ташкилотҳои соҳибнуфузи молиявии чаҳон аз қабили Хазинаи байналмилалии асъор, Бонки ҷаҳонӣ, Бонки осиёгии рушд ва Бонки тараққиёти Аврупо ислоҳоти муваффақонаи иқтисодиро вусъат мебахшад", - гуфт Сарвари давлат Эмомалӣ Раҳмон аснои мулоқот,.

Сарвари давлат аз нишондиҳандаҳои назарраси собитгари ислоҳоти бобарори иқтисодӣ дар Ҷумҳурии Тоҷикистон ёдрас шуда, афзуд, ки тайи солҳои охир болоравии маҷмӯи маҳсулоти дохилӣ 50 фоизро ташкил дода, дар соҳаҳои саноат, кишоварзӣ ва гардиши савдои хориҷӣ пешравиҳо эътимодбахшанд. Танҳо дар се соли аввали татбиқи Стратегияи паст намудани сатҳи камбизоатӣ 20 дарсади аҳолии камбизоат аз ин ҳолати ногувор бадар шуданд.

Тавре Президенти Ҷумҳурии Тоҷикистон Эмомалӣ Раҳмон тазаккур дод, маҳз анҷоми барномаи хурди хусусигардонӣ раванди вусъатноки ғайридавлатикунонии иншооти бузургу миёна, гузариши зина ба зина ба шаклҳои хусусии фаъолият ва рушди устувори иқтисодӣ заминаҳои боэътимод гузошт.

Алҳол ҳамагӣ 6 дарсади захираҳои гидроэнергетикӣ истифода шуда, дар ин самт татбиқи лоиҳаҳои инвеститсионӣ бо Федератсияи Россия ва Ҷумҳурии Исломии Эрон муваффақона идома дорад.

Эмомалӣ Раҳмон ва Франсуа Лоос изҳори умеди комил намуданд, ки заминаҳои ҳуқуқию қарордодии аснои сафари расмии Президенти Ҷумҳурии Тоҷикистон Эмомалӣ Раҳмон ба Фаронса тавлидшуда ба инкишофи робитаҳои иқтисодию тиҷоратӣ вусъати бештар хоҳад бахшид.

Ҷонибҳо дар мавриди ташкили корхонаҳои муштараки коркард ва ташкили вохӯриҳои соҳибкорони ҳарду ҷониб андешаҳои ҷолиб баён доштанд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520