1 октябр Президенти Ҷумҳурии Тоҷикистон Эмомалӣ Раҳмон ба Раиси Ҷумҳурии Мардумии Чин Ху Сзинтао барқияи табрикӣ ирсол намуд, ки дар он аз ҷумла гуфта мешавад:
"Мехоҳам ба муносибати таҷлили иди мамлакати Шумо - Рӯзи эълон шудани Ҷумҳурии Мардумии Чин табрикоти самимитаринро ба Шумо ирсол намоям.
Мехостам аз ин имконияти ҳаловатбахш истифода намуда, бори дигар қайд намоям, ки мо хоҳони рушди босуръати ҳамкории ҳамаҷонибаи байни ҳар ду мамлакат мебошем. Аз натиҷаи мулоқотҳои чандинкарата бо Шумо хеле қаноатмандам. Аминам, ки мо бо саъю кӯшиши якҷоя метавонем ба ҳамкории байни Тоҷикистону Чин қувваи нав бахшида, муносибатҳои неки ҳамсоягӣ ва ҳамкориро бо мисолҳои нав мустаҳкам намоем
Иҷозат диҳед, бо орзуҳои самимӣ ба Шумо тансиҳатӣ, саодату муваффақиятҳо ва ба халқи дӯсти Чин беҳбудию шукуфоии минбаъдаро баён кунам".