8 сентябр ба муносибати 14-солагии Истиқлолияти давлатии Ҷумҳурии Тоҷикистон ба унвони Президенти Ҷумҳурии Тоҷикистон Эмомалӣ Раҳмон аз сарони давлатҳои мухталифи чаҳон, роҳбарони созмонҳои байналмилалӣ, ташкилотҳои мухталифи мамлакатҳои хориҷӣ ва шахсони алоҳида барқияҳои табрикӣ ворид гардиданд. Онҳо мардум ва кишвари моро бо ин иди фархунда табрик намуда, изҳори орзуи муваффақияту комёбӣ менамоянд. Барқияҳои табрикотӣ аз номи Президенти Федератсияи Россия Владимир Путин, Президенти ИМА Ҷорҷ Буш, Раиси Ҷумҳурии Мардумии Чин Ху Тсинтао, Раиси Ҷумҳурии Исломии Эрон Маҳмуди Аҳмадинажод, Президенти Ҷумҳурии Ҳиндустон доктор Абдул Камол, Президенти Ҷумҳурии Исломии Покистон генерал Парвиз Мушарраф, Президенти Ҷумҳурии Ӯзбекистон Ислом Каримов, Президенти Ҷумҳурии Қазоқистон Нурсултон Назарбоев, Президенти Ҷумҳурии Фаронса - Жак Ширак, Президенти Ҷумҳурии Федеративии Олмон - Хорст Кёлер, Президенти Ҷумҳурии Туркия - Аҳмад Неҷет Сезар, ҳамчунин номаҳои табрикӣ ба унвони Сарвари давлат аз Шоҳи Испания - Хуан Карлос, Президенти Ҷумҳурии Словения - доктор Янез Дрновшек, Ноиби Президент ва Сарвазири Амороти Муттаҳидаи Араб - Мактум бин Рашид Оли Мактум, Президенти Тотористон - Минтемир Шаймиев ворид шуданд. Барқияҳои табрикии худро Котиби генералии Ташкилоти аҳдномаи амнияти дастаҷамъӣ - Николай Бордюжа, Вазири мудофиаи Иёлоти Муттаҳидаи Амрико - Доналд Рамсфелд, Директори генералии ташкилоти озуқаворӣ ва кишоварзии Созмони Милали Муттаҳид - Жак Дюф, Президенти ташкилоти байналмилалии "Сока Гаккай" - Дай Саку Икеда, сафирони кишварҳои хориҷии муқими Душанбе фиристоданд.