26 август Президенти Ҷумҳурии Тоҷикистон Эмомалӣ Раҳмон бо Амри худ Вазорати молияи Ҷумҳурии Тоҷикистонро вазифадор кард, ки аз ҳисоби фонди захиравии Сарвари давлат ба Дастгоҳи иҷроияи Президенти Ҷумҳурии Тоҷикистон барои хариди сару либос, пойафзол ва лавозимоти варзишӣ ҳамчун тӯҳфа ба тарбиятгирандагони мактаб-интернати ҷумҳуриявии кӯдакони ношунаво дар ноҳияи Рӯдакӣ ба таври нақдӣ 28 503 ( бисту ҳашт ҳазору панҷсаду се) сомонӣ ҷудо намояд.

Дастгоҳи иҷроияи Президенти Ҷумҳурии Тоҷикистон вазифадор карда шуд, ки истифодаи мақсадноки маблағҳоро таъмин карда, ба Вазорати молияи Ҷумҳурии Тоҷикистон ҳисоботи хароҷоти анҷомдодаро пешниҳод намояд.