22 август бо Қарори Ҳукумати Ҷумҳурии Тоҷикистон мутобиқи моддаҳои 52 ва 132-и Кодекси граждании Ҷумҳурии Тоҷикистон ва бо мақсади амалӣ намудани "Барномаи рушди иҷтимоию иқтисодии Ҷумҳурии Тоҷикистон дар давраи то соли 2015", ғанӣ гардондани фазои иттилоотии мамлакат шабакаи нави телевизионӣ бо номи "Сафина" таъсис дода шуд.

Бо Қарори Ҳукумати Ҷумҳурии Тоҷикистон аз 22 августи соли 2005 Пиров Маҳмадсаид Шоҳидинович аз вазифаи муовини раиси Кумитаи телевизион ва радиои назди Ҳукумати Ҷумҳурии Тоҷикистон озод ва ба вазифаи директори телевизиони "Сафина" таъин карда шуд.

Бо Қарори Ҳукумати Ҷумҳурии Тоҷикистон Қурбонов Каримхон Муродович аз вазифаи ректори Донишгоҳи давлатии тиббии Тоҷикистон ба номи Абӯалӣ ибни Сино озод ва Қурбонов Убайдулло Абдуллоевич - муовини директори Маркази ҷумҳуриявии илмии ҷарроҳии дил, рагҳои хунгузар ва қафаси сина, доктори илмҳои тиб ректори Донишгоҳи давлатии тиббии Тоҷикистон ба номи Абӯалӣ ибни Сино таъин карда шуд.

Бо Қарори Ҳукумати Ҷумҳурии Тоҷикистон Асадуллоев Раҳматулло аз вазифаи раиси Кумитаи кор бо ҷавонони назди Ҳукумати Ҷумҳурии Тоҷикистон озод ва Саидов Давлаталӣ Шомаҳмадович - сардори идораи саҳҳомигардонии қоғазҳои қимматнок ва фондҳои инвеститсионии Кумитаи давлатии идораи амволи давлатии Ҷумҳурии Тоҷикистон, раиси Кумитаи кор бо ҷавонони назди Ҳукумати Ҷумҳурии Тоҷикистон таъин гардид.