14 июл Президенти Ҷумҳурии Тоҷикистон Эмомалӣ Раҳмон ба муносибати иди миллии халқи Фаронса Рӯзи гирифтани Бастилия - ба Президенти Ҷумҳурии Фаронса Жак Ширак барқияи табрикотӣ ирсол намуд, ки дар он гуфта мешавад:
"Ба ман ҳаловати бузург мебахшад, ки ба муносибати иди миллии мамлакататон таҳниятҳои самимӣ ва орзуҳои беҳтаринро ба Шумо ва ба ҳамаи халқи Фаронса ирсол намоям.
Мехоҳам ба сатҳи имрӯзаи ҳамкории Тоҷикистону Фаронса баҳои баланд дода, изҳор намоям, ки мо барои рушду густариши ҳамкории байни мамлакатҳоямон, ки дар принсипҳои баробарҳуқуқӣ, эҳтироми якдигар ва ба назар гирифтани манфиатҳои ҷонибайн асос ёфтааст, саъю кӯшиши зиёд ба харҷ медиҳем".