3 июн Президенти Ҷумҳурии Тоҷикистон Эмомалӣ Раҳмон ҳайати кории Ҷумҳурии Мардумии Чинро ба ҳузур пазируфт
Дар мулоқот аз инкишофи муносиботи дуҷониба, афзоиши гардиши мол ва равнақи робитаҳои иқтисодию тиҷоратии миёни Ҷумҳурии Тоҷикистон ва Ҷумҳурии Мардумии Чин изҳори қаноатмандӣ карда шуд.
Ин натиҷаи талошҳои пайгиронаи Президенти Ҷумҳурии Тоҷикистон Эмомалӣ Раҳмон ва Раиси Ҷумҳурии Мардумии Чин Ху Тзин Тао мебошад, тазаккур дода шуд дар вохӯрӣ.
Ҷонибҳо ифтитоҳи роҳи автомобилгарди Душанбе-Кӯлоб-Хоруғ-Қулма ва баромад ба шоҳроҳи Қароқурум, инчунин тавсеаи хатсайри ҳавоии миёни ду мамлакатро омили муҳимми таҳкими муносиботи байни Тоҷикистону Чин маънидод намуданд.
Дар мулоқот маҷмӯи васеи масъалаҳои ҳамкориҳои иқтисодию тиҷоратӣ ва илмию техникӣ баррасӣ шуданд.