31 май Президенти Ҷумҳурии Тоҷикистон Эмомалӣ Раҳмон муовини вазири нерӯи Ҷумҳурии Исломии Эрон Ризои Ардакониёнро, ки барои ташриф ба мақсади ширкат дар Конфронси байналмилалии ҳамкории минтақавӣ дар ҳавзаҳои дарёҳои сарҳадгузар ба Тоҷикистон омадааст, ба ҳузур пазируфт.

"Иштироки кишвари дӯсту бародарамон - Ҷумҳурии Исломии Эронро дар ин Конфронс мо чун шаҳодати пуштибонии кӯшишҳои худ дар бобати саҳмгузорӣ дар Даҳсолаи байналмилалии амалиёти "Об барои ҳаёт" ва доир кардани ин маърака меҳисобем",- гуфт дар мулоқот Президенти Тоҷикистон Эмомалӣ Раҳмон.

Тарафҳо қайд намуданд, ки муносибатҳои дӯстонаи Тоҷикистон ва Ҷумҳурии Исломии Эрон пайваста густариш меёбанд ва ҳоло ба як омили муҳимми таҳкими сулҳу субот дар минтақа мубаддал шудаанд.

Эмомалӣ Раҳмон аз вазъи муносибатҳои дуҷониба бо Ҷумҳурии Исломии Эрон изҳори қаноатмандӣ намуда, афзуд, ки ин муносибатҳо ояндаи хуб пайдо хоҳанд кард.

Пружаи стратегии муштараки мо ин бунёди нерӯгоҳи Сангтӯда-2 мебошад ва мо умедворем, ки ҷониби эронӣ барои амалӣ гаштани он икдомҳои мушаххас хоҳад андешид. Тавассути он мо метавонем ба ҳамсоягони худ имконоту захираҳои бузурги ҳамкориҳои миёни ду кишвари ҳамзабону ҳамфарҳангро бараъло нишон диҳем.