23 феврал Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Ислом Каримов суҳбати телефонӣ анҷом дод.

Сарони ҳарду давлат масъалаҳои вобаста ба рушду густариши ҳамкориҳои дуҷонибаю минтақавиро муҳокима намуданд.

Дар ҷараёни сӯҳбат ба масъалаи  давра ба давра инкишоф додани бозори Осиёи Марказӣ дар доираи Созмони Ҳамкории Осиёи Марказӣ ва масъалаҳои рушду тавсеаи  минбаъдаи ҳамкориҳои дуҷониба мароқ зоҳир карда шуд.

Масъалаи баргузории машварат оид ба проблемаҳои амнияти минтақа ва дигар мавзӯоти марбута дар маркази таваҷҷӯҳи  сарони ду кишвар қарор дошт.